陳年事忘不了，眼前事記不起

江戶之秋（八）你滿唔滿意呀？

工作完成，大清早乘機返香港同小朋友過週末，然後再去D城，總結今次的會議，不過不失，想必離期望的又走近一小步了。

又是國泰航空，上到飛機發生一件不可思議的事，驚歎世事之奇。
步入機倉，第一個空姐劈頭第一句說（X先生早晨！）係叫我last name個隻，我都未入閘已知我名，Ziyi君你又知否佢搞乜？我驚訝一兩秒然後講聲：早晨，想必可能她曾經serve過我，所以記得我名。曾經在港龍航空也曾試過，但那Suki靚空姐我記憶中見過，所以不足為怪。

找了坐位，坐定定，十零分鐘左右有一個高級小小的漂亮空姐走過來我位，屈膝讓自已視線同我一樣，然後說（X先生早晨，今天好嗎，我叫Jennifer，今天我地這航班可以嗎，滿唔滿意呀？）她媽的，殺我一個措手不及，一衭都係。我定一定驚，然後講（唔……幾好……OK啦）她然後說（多謝你呀，有乜野想要請同我講，我叫Jennifer呀）

莫非國泰管理層知道我X先生就是網上投訴那混蛋，派美女軍團來捉我。當Jennifer話有東西要時同佢講，我自已又驚到唔X醒目問佢（妳手提電話幾多號，今晚得唔得閒？）大好機會就此錯過了。跟住送飲料送餐，個個空姐都說（X先生今日飲乜野；X先生今日食雞飯定牛肉飯呀？）

雖然話禮多人不怪，但真怕在走道上她大大聲同我講（X先生，你想去柯屎定柯尿呀？） 想必是管理層新的招數，學人玩尊貴吧。未必知係我投訴，但小心為上，記住拿左電話號碼都唔好約佢去街。